Откаль солнечко всходило,
Там дівча яблонь садило.
Росни яблонко высоко,
Гей, а по при земли шыроко.
Урод яблочко червене,
Як моє личко румяне.
Урод яблочко, або дві,
Єдно миленкому, друге мні.
Бо я мам дары послати,
Ой кому ся маю достати.
Як ся достану старому,
Тяжко буде сердцю мойому.
Бо як старый иде до поля,
А по за ним росне коколя.
А кед ся достану младому,
Лекше буде сердцю мойому.
Бо як младый пойде до поля,
Та за ним выросне тополя.
А на той тополі листочкы,
То мого милого хусточкы.
Примітки:
Перші два рядки кожного куплету повторюються двічі.
Джерело:
Лемковскы народны співанкы. – Клівленд: Типографія Лемко-Союза, 1935. – 64 с.
