Сиділи сой два голубы,
Моргали на себе,
Прийди, (2) младый хлопче,
Ей звечера до мене.
Придь-же, (2) младый хлопче,
Хоц лем на годину,
А я свого старенького,
Ей вишлю на калину.
Пошол старый, бородатый,
Калину ламати,
А она сой уж провадит,
Ей с коморы до хаты.
Сіли собі за столиком,
Курку огрызают,
Та й своєго миленького,
Ей к собі пригортає.
Пришол старый, бородатый,
Рученьками трепле,
Кый сы параль в лужку лежал,
Ей ищы лужко тепле.
А ты старый, бородатый,
Не вчий ся брехати,
Коль єс виділ и послідил,
Ей было поімати.
А ты старый, бородатый,
А я собі пышна,
Где-ж я свои очы діла,
Ей же я за тя пошла.
Примітки:
Останні два рядки кожного куплету повторюються двічі.
Джерело:
Лемковскы народны співанкы. – Клівленд: Типографія Лемко-Союза, 1935. – 64 с.
